Միջին մասնագիտական կրթության խրախուսման միջոցառումների շարք ՄԿՈՒ հաստատությունների ուսանողների համար

 «Բիզնես և կրթություն գործընկերություն» (ԲԿԳ) հիմնադրամի նախաձեռնությամբ գերմանական «Մասնագիտական կրթություն և ուսուցում (ՄԿՈւ)-համագործակցություն Հարավային Կովկասում» ծրագրի շրջանակում մեկնարկվել է միջին մասնագիտական կրթության խրախուսմանը նվիրված միջոցառումների շարք, որը նպատակ է հետապնդում մուլտիպլիկացնել և տարածել ԲԿԳ հիմնադրամի կողմից մշակված ուսուցողական և մասնագիտական մոդելների/մոդուլների կիրառումը դպրոցներում և ՄԿՈւ հաստատություններում, հնարավորություն ընձեռել մարզերի ու Երևանի ուսանողներին մասնագիտական երկխոսության և հետագա համագործակցության զարգացմանը։

2021թ․մայիսի 22-ին ԲԿԳ օժանդակությամբ Բերդի բազմագործառութային պետական քոլեջի և Երևանի հումանիտար պետական քոլեջի «Զբոսաշրջություն» մասնագիտության 1-ին և 2-րդ կուրսերի ուսանողները «Ծանոթություն պատմամշակութային զբոսաշրջության զարգացման որոշ մասնագիտությունների հիմունքներին» մոդելի/մոդուլի իրականացման շրջանակում կատարեցին ճանաչողական, ուսուցողական այց Հաղարծին, Լոռի բերդ պատմամշակութային արգելոց, Օձունի տաճար, Սանահին մշակութային վայրեր։ Համագործակցությունը երկու ՄԿՈւ հաստատությունների միջև ոգևորիչ էր, ինչպես նաև արդյունավետ ու օգտակար, քանզի կատարվեց լավագույն փորձի փոխանակում ու պատմամշակութային արժեքավոր տեղեկությունների հավաքագրում։ 

Միջոցառման արդյունքում ուսանողները   ձեռք բերեցին  մասնագիտական գիտելիքներ, կարողություններ զբոսաշրջության մասնագիտության ոլորտում։

2021թ․ մայիսի 25-ին կազմակերպվեց ՄԿՈւ միջոցառում Գյումրու թիվ 4 արհեստագործական ուսումնարանի ուսանողների և Երևանի ինֆորմատիկայի պետական քոլեջի ուսանողների համար։

«Ուսանողական ընկերությունների» փորձի փոխանակման նպատակով Գյումրու թիվ 4 արհեստագործական ուսումնարանի ուսանողները հյուրընկալվեցին Երևանի ինֆորմատիկայի պետական քոլեջ։ Նրանք ծանոթացան քոլեջում ուսուցանվող մասնագիտություններին, այցելեցին մասնագիտական լսարաններ և լաբորատորիաներ,  ծանոթացան քոլեջում ուսուցանվող տարբեր, այդ թվում նաև մեխատրոնիկայի մասնագիտությամբ ուսանողների կողմից կատարվող աշխատանքներին։ Երևանի ինֆորմատիկայի պետական քոլեջի «Ուսանողական ընկերության» ուսանողները իրականացնում են իրենց աշխատանքները համակարգիչների և համակարգչային սարքավորումների տեխնիկական սպասարկման ուղղությամբ։

Գյումրու թիվ 4 արհեստագործական ուսումնարանի ուսանողները ներկայացրեցին իրենց ուսումնարանում գործող «Ուսանողական ընկերությունների», այդ թվում «Առողջ սերունդ» և «Արևոտ Շիրակ» ընկերությունների գործունեության մասին։ Նրանք պատմեցին գաղափարից մինչև գործող ընկերություն ստեղծման գործընթացի, ուսանողների ներգրավվածության, հանդիպող մարտահրավերների և ձեռք բերումների մասին։

Միջոցառման երկրորդ հատվածը նվիրված էր «ՄԿՈւ-համագործակցություն» ծրագրի շրջանակում մշակված մասնագիտական կողմնորոշման մոդել/մոդուլի՝  «Ծանոթություն պատմական և մշակութային տուրիզմի զարգացման որոշ մասնագիտությունների հիմունքներին» իրականացմանը։  Գյումրու թիվ 4 արհեստագործական ուսումնարանի և Երևանի ինֆորմատիկայի պետական քոլեջի ուսանողները այցելեցին Կոտայքի մարզի Առինջ գյուղում գետնափոր-թանգարան, որը հայտնի է «Լևոնի քարանձավ» անվանումով։ Նրանք ծանոթացան պատմամշակութային  զբոսաշրջության  զարգացման համար անհրաժեշտ  մասնագիտությունների և արհեստների հիմունքներին։

Ուսանողները այցելեցին նաև Ջրվեժի անտառ արգելոց։ Նրանց հագիստն ու ժամանցը լրացվեց պատմամշակութային ինտելեկտուալ վիկտորինաների կազմակերպման միջոցով, որի արդյունքում առավել ակտիվ ու ինտելեկտուալ գիտելիքներով օժտված ուսանողները ԲԿԳ հիմնադրամի կողմից պարգևատրվեցին հավաստագրերով, իսկ երկու ՄԿՈւ հաստատություններին նվիրվեցին ՏՏ ոլորտի ծրագրային ուսուցման մասնագիտական գրականություն։

Օրացույց
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30

Հայաստանում շարունակական կրթության համակարգում ո՞ր օղակն է պատրաստում արհեստագործական կադրեր, որտե՞ղ կարող է կազմակերպվել նախնական մասնագիտական կրթություն:

Ապագայում ի՞նչ բարեփոխումներ են նախատեսվում նախնական (արհեստագործական) և միջին մասնագիտական կրթության համակարգում:

Ինչպիսի՞ ուսումնական հաստատություններ են միջին մասնագիտական ուսումնական հաստատությունները և արհեստագործական ուսումնարանները: Ո՞րն է դրանց տեղը ՀՀ կրթական համակարգում: