Սյունիքի տարածաշրջանային պետական քոլեջի ուսանողների համար կազմակերպվեց դաս-էքսկուրսիա հայոց բանակի N զորամասում: Այցը նպատակ ուներ ամրապնդել բանակ – ուսումնական հաստատություն համագործակցությունը, նպաստել ուսանող երիտասարդների ռազմահայրենասիրական դաստիարակության զարգացմանը, բարձրացնել ապագա զինվորի մարտական ոգին:
Զորամասի հրամանատարությունը ուսանողներին ներկայացրեց Հայոց բանակի կազմավորման պատմությունը, անցած հերոսական ուղին, ծանոթացրեց զինվորական կյանքին, ժամանակակից ռազմական տեխնիկային:
Բարձր տրամադրությունը, զորամասում տիրող առողջ հոգեբանական մթնոլորտը, հայրենասիրական ոգին ապագա զինվորների համար դարձավ բանակ զորակոչվելու պատրաստակամության լավագույն սկիզբ:
