2022թ. մայիսի 19-ին «Բիզնես և կրթություն գործընկերություն» հիմնադրամը Էրազմուս+ ծրագրի ազգային գրասենյակի հետ համատեղ, գերմանական «ՄԿՈՒ- համագործակցություն ՀարավայինԿովկասում» ծրագրի շրջանակներում իրականացրեց «Կարողությունների զարգացում, նախագծերի մշակման և ձևավորման փորձը» խորագրով վերապատրաստման դասընթաց՝ Լոռու մարզի ՄԿՈՒ հաստությունների ներկայացուցիչների համար:
«Բիզնես և կրթություն գործընկերություն» հիմնադրամի հիմնադիր, նախագահ «ՄԿՈՒ – համագործակցություն Հարավային Կովկասում» ծրագրի ղեկավար Մարինե Ժամկոչյանը ներկայացրեց Հայաստանում ներդրված գերմանական «Աշակերտական/ուսանողական ընկերություններ» մոդելը՝ «Գաղափարից մինչև հայտադիմումի ներկայացում» թեմայի շրջանակներում:
Վերապատրաստման դասընթացին Էրազմուս+ ծրագրի ազգային գրասենյակի ծրագրերի համակարգող Լանա Կառլովան ներկայացրեց ՄԿՈՒ զարգացման հնարավորությունները Էրազմուս+ ծրագրի միջոցով:
Վերապատրաստման դասընթացին մասնակցեցին 11 ՄԿՈՒ հաստատությունների 32 ներկայացուցիչներ, ինչպես նաև ներկայացուցիչներ «ՀայկականԿարիտասից»:
