«Բիզնես և կրթություն ասոցիացիայի» միջազգային համաժողովը
«Բիզնես և կրթություն ասոցիացիայի» (ԲԿԱ) նախաձեռնությամբ կազմակերպված «Երիտասարդների և սոցիալական ձեռնարկատիրություն տարածաշրջանային, ազգային և միջազգային մարտահրավերները» միջազգային համաժողովը մեկ հարթակում համախմբեց՝ պետական կառույցների, կրթական համակարգի, գործատուների, միջազգային գործընկերների և երիտասարդ առաջնորդների՝ երիտասարդների զբաղվածության, աշխատաշուկայի և սոցիալական ձեռնարկատիրության հիմնախնդիրները քննարկելու համար։
Ասոցիացիայի նախագահ` տիկին Մ.Ժամկոչյանը բացման խոսքում նշեց երիտասարդների ներուժի բացահայտման, կրթություն-բիզնես համագործակցության և սոցիալական ձեռնարկատիրության զարգացման կարևորությունը, որպես ազգային առաջնահերթություն: Ելույթների ժամանակ ընդգծվեց, որ կրթության և գործատուների համագործակցությունը կարևոր է երիտասարդների մրցունակության բարձրացման և սոցիալական ձեռնարկատիրության առաջմղման համար։
Համաժողովի ընթացքում քննարկվեցին նաև երիտասարդների զբաղվածության խթանման և կրթական ծառայությունների մատուցման համապատասխանությունը շուկայի պահանջներին։ Ներկայացվեցին ձեռնարկատիրական կրթությունը դպրոցներում և ՄԿՈւ հաստատություններում, ինչպես նաև քնարկվեցին գործատուների ակնկալիքները, պահանջները և սպասելիքները՝ մասնագիտական փորձի ձեռքբերման գործում:
Ներկայացվեց միջազգային փորձը, համագործակցության մոդելները և սոցիալական ձեռնարկատիրության զարգացման ուղիները Հայաստանում։ Համաժողովի շրջանակում կազմակերպվել էր Աշակերտական/ոււսանողականը ընկերությունների, ինչպես նաև սոցիալական ձեռնարկությունների ցուցահանդես, որի ընթացքում երիտասարդները ներկայացրեցին իրենց արտադրանքը և ծառայությունները՝ ստեղծելով համագործակցության և գործարար կապերի զարգացման նոր հնարավորություններ։
ԲԿԱ-ն շարունակելու է աջակցել երիտասարդներին՝ խթանելով կրթության, աշխատանքի և ձեռնարկատիրության միջև փոխհամագործակցությունը։ Համաժողովը դարձավ հերթական կարևոր քայլը դեպի ապագա գործողությունների համար::
