ԲԿԳ հիմնադրամը Շիրակի մարզում իրականացրել է գործազուրկ ՄԿՈւ շրջանավարտների կարողությունների զարգացման ծրագիր

Շիրակի մարզում իրականացվել է երիտասարդների զբաղվածության խթանմանն ուղղված նախաձեռնություն, որի նպատակն է աջակցել գործազուրկ ՄԿՈւ շրջանավարտներին: Ծրագիրը իրականացվում է «Բիզնես և կրթություն գործընկերություն» հիմնադրամի (BCG:) կողմից՝ Լեհաստանի «Կրթությունը ժողովրդավարության համար» հիմնադրամի հետ համագործակցությամբ։

«Կանայք ձեռնարկատիրության մեջ» ծրագիրը թիրախային խումբ է ընտրել 18–30 տարեկան գործազուրկ ՄԿՈւ շրջանավարտ կանանց՝ հատկապես Շիրակի մարզում, այն իրականցվում է հաշվի առնելով ոլորտում ձևավորված համագործակցությունը և ՀՀ ԿԳՄՍ նախարարության հետ համագործակցության հուշագիրը։

Ապրիլի 13–15-ը անցկացված վերապատրաստումների ընթացքում մասնակիցները ձեռք են բերել ձեռնարկատիրական գիտելիքներ: Ծրագիրը ներառում է նաև վերապատրաստողների պատրաստում, մենթորություն, գործնական ուղղորդում և միկրոբիզնես գաղափարների մշակում։

Նախաձեռնությունը միտված է բարձրացնելու երիտասարդ կանանց մրցունակությունը, խթանելու նրանց տնտեսական ակտիվությունը և նպաստելու գործազրկության նվազեցմանը Շիրակի մարզում։