From WorldSkills Armenia to the international arena. A path to excellence
"World Skills" by Luiza Mkrtchyan and Armine Hakobyan (WorldSkills International) the journey began 2023 թվականին՝ WorldSkills Armenia ազգային առաջնությունից, որը դարձավ նրանց միջազգային մրցութային ուղու մեկնարկային հարթակը։ Ընտրական փուլերի արդյունքում նրանք ընտրվեցին որպես Հայաստանի ազգային թիմի մասնակիցներ WorldSkills Lyon 2024 47-րդ մրցույթում՝ «Վեբ տեխնոլոգիաներ» և «Բջջային հավելվածների պատրաստում» հմտություններով։ Մրցույթը նրանց համար դարձավ կարևոր փորձառություն՝ զարգացնելու մասնագիտական հմտությունները և ձևավորել նոր կապեր WorldSkills համայնքում։
2025 թվականին նրանց հմտությունների ուղին շարունակվեց Չինաստանի գործընկերների հետ ձևավորված համագործակցության շրջանակում: Լուիզան և Արմինեն հրավեր ստացան մասնակցելու Չինաստանի Գուանչժոու քաղաքում անցկացվող WorldSkills China 2025 մրցույթին՝ նոր, «Թվային ինտերակտիվ մեդիա դիզայն» հմտության ուղղությամբ։ Մրցույթի արդյունքներով Լուիզան արժանացավ արծաթե մեդալի, իսկ Արմինեն՝ «Գերազանցության մեդալիոնին»։
Մրցույթից հետո որոշվեց, որ այս նոր հմտությունը պետք է ներառվի Հայաստանում հմտությունների ազգային առաջնության ժամանակ:
2026 թվականին Լուիզան և Արմինեն կրկին հրավիրվեցին Չինաստան՝ մասնակցելու «Թվային ինտերակտիվ մեդիա դիզայն» մասնագիտական վերապատրաստման ծրագրին։ Միջազգային փորձագետների հետ աշխատանքի և նոր գիտելիքների ձեռքբերման արդյունքում նրանք ներգրավվեցին նաև WorldSkills Guangzhou International Exchange Competition մրցույթում, Լուիզան՝ որպես մասնակից, իսկ Արմինեն՝ որպես փորձագետ։
Չնայած մրցույթին նախորդած սահմանափակ պատրաստության ժամանակահատվածին՝ Լուիզա Մկրտչյանը հաջողությամբ հաղթահարեց բոլոր մրցութային առաջադրանքները և արժանացավ ոսկե մեդալի՝ զբաղեցնելով առաջին հորիզոնականը։
Այսօր Լուիզայի և Արմինեի հմտությունների ճանապարհը շարունակում է իր ընթացքը՝ արդեն ոչ միայն որպես մասնակիցների, այլև որպես փորձառություն փոխանցողների, նոր գաղափարներ կրողների և Հայաստանի WorldSkills համայնքի զարգացման ակտիվ ներկայացուցիչների։
Նրանց անցած ուղին վկայում է, որ WorldSkills Armenia ազգային առաջնությունից սկսված յուրաքանչյուր քայլ կարող է վերածվել միջազգային հաջողության՝ բացելով ճանապարհ երիտասարդ հայ մասնագետների համար՝ զարգացնելու իրենց կարողությունները, ներկայացնելու Հայաստանը համաշխարհային մասնագիտական հարթակներում և նպաստելու երկրի մասնագիտական ներուժի ճանաչմանը։
