Երկօրյա դասընթացներ առաջնորդության և բրենդավորման թեմայով

Մայիսի 6-7-ը «Բիզնես և կրթություն ասոցիացիան» Գերմանիայի Մեկլենբուրգ-Ֆորպոմերանիայի դաշնային տարածաշրջանային էկոնոմիկայի ուսումնական կենտրոնի հետ համատեղ, իրականացրեց երկօրյա դասընթացներ առաջնորդների և ղեկավարների համար։ Դասընթացները կայացան «Անձի և կազմակերպության բրենդավորում, առաջնորդություն և կառավարում» խորագրով՝ «Ասոցիացիայի գործընկերության ծրագրի» շրջանակում։

Դասընթացը իրականացվել է միջազգային փորձագետի կողմից: Նպատակն էր՝ մասնակիցների հմտությունների զարգացումը նորարարական մեթոդներով, ընդգծելով անձի և կազմակերպության բրենդավորում, վստահ հաղորդակցում և ռազմավարական մտածողություն։ Մասնակիցները աշխատեցին իրենց բրենդի զարգացման, բրենդային պատմությունների ստեղծման և առաջիկա տարիների տեսլականի ձևավորման վրա։

Դասընթացներին մասնակցեցին կրթական հաստատությունների ղեկավարներ և բիզնես ոլորտի ներկայացուցիչներ։ Արդյունքում կնքվեցին 2 համագործակցության հուշագրեր՝ նպաստելով կրթություն-բիզնես կապի ամրապնդմանը և դուալ կրթության զարգացմանը։