Ս. թ. հոկտեմբերի 30-ին «Քոլեջ-թատրոնը» կրկին իր դռներն էր բացել. անվանի բանաստեղծ Համո Սահյանի ծննդյան 100-ամյակի կապակցությամբ կազմակերպված հուշ-երեկոն նվիրված էր նաև Սոս Սարգսյանի հիշատակին: «Դերասանական արվեստ» մասնագիտության ուսանողները սրտառուչ հուզականությամբ ներկայացան հանդիսատեսին: Մտահղացումը քոլեջի դասախոս, «Համազգային» թատրոնի առաջատար դերասանուհի Տաթև Ղազարյանինն էր:
Կրկին լեփ-լեցուն դահլիճ, ջերմ ու` «արդեն մի քիչ ավելի սահյանացած» հանդիսատես, անգամ ֆրանսիացի հյուրերի հուզիչ արձագանքներ, ու ծափեր…
Արդյունքում` բազմաթիվ սահյանասերների խնդրանքով գրական-երաժշտական երեկոն կհյուընկալվի նախ` նոյեմբերի 12-ին, Ավանի մշակույթի պալատում, ապա` 2015 թ. հունվարի 22-ին, «Նարեկացի» արվեստի միությունում:
