Սկսած 2009 թվականից Եվրոպայում նոյեմբերի վերջին շաբաթը հայտարարված է որպես «Թափոնների կրճատման եվրոպական շաբաթ», որի շրջանակներում «Ֆրանս-հայկական մասնագիտական ուսումնական կենտրոն» հիմնադրամը նախաձեռնել էր համավարժարանային մրցույթ՝ մասնագիտական բոլոր բաժինների միջև:
Մրցույթի գլխավոր նպատակն էր թափոնների քանակի կրճատման խթանմամբ էկոքաղաքացի կրթելը:
Կենտրոնի ուսանողների մասնագիտական թափոններից պատրաստված յուրօրինակ աշխատանքները գնահատվեցին հաստատությունում ձևավորված հանձնաժողովի կողմից, ինչպես նաև նախապես հայտարարված ֆեյսբուքյան քվեարկության միջոցով:
Միջոցառումն իր տեսակի մեջ եզակի էր թե´ տեղեկատվական, թե´ կրթական և թե´ դաստիարակչական առումով:
Գլխավոր մրցանակը շահեց «Ատամնատեխնիկական գործ» մասնագիտություն բաժինը, որը վաստակեց ձայների մեծամասնությունը ինչպես հանձնաժողովի, այնպես էլ ֆեյսբուքյան քվեարկության արդյունքում:
Տարբեր անվանակարգերում ցուցաբերված ակտիվության համար պատվոգրեր և նվերներ հանձնվեցին մասնագիտական մյուս բաժիններին ևս:
