Եվրոպայի օրվա տոնակատարությունների շրջանակում մայիսի 24-ին Երևանի Հյուսիսային պողոտայում բացվեց տեղեկատվական ցուցահանդես, որին մասնակցեց նաև ՄԿՈՒ զարգացման ազգային կենտրոնը:
Միջոցառման մասնակիցները հնարավորություն ստացան ծանոթանալու ԵՄ օժանդակությամբ տարբեր ոլորտներում իրականացվող ծրագրերին:
Տեղեկատվական ցուցահանդեսի բացմանը մասնակցեցին Հայաստանում ԵՄ պատվիրակության ղեկավար, դեսպան Տրայան Հրիսթեան և ԵՄ անդամ երկրների դեսպանները, որոնք շրջել են տաղավարներով և ծանոթացել իրականացրած աշխատանքներին:
Տրայան Հրիսթեան ընդգծեց, որ այս տարի Եվրոպայի օրվա տոնակատարություններն անցկացվում են «Մեր աշխարհը, մեր արժանապատվությունը, մեր ապագան» կարգախոսի ներքո:
Եվրոպայի օրվա տոնակատարությունները Երևանում ամփոփվեցին բացօթյա համերգով, որը տեղի ունեցավ Ազատության հրապարակում մայիսի 24-ի երեկոյան: Ելույթ ունեցան երաժիշտներ ինչպես Հայաստանից, այնպես էլ Բելգիայից և Գերմանիայից:
Երեկոյի գլխավոր հյուրը հայտնի երգիչ Դենզելն էր:
