2015թ մարտի 16-ին Սյունիքի տարածաշրջանային պետական քոլեջում՝ Եղեռնի 100-րդ տարելիցին ընդառաջ, տեղի ունեցավ «Սողոմոն Թեհլերյանի դատավարությունը» թեմայով ցերեկույթ, որը կազմակերպել էր նույն քոլեջի «Իրավունքի հիմունքներ» առարկայի դասախոս Նարինե Խուդագուլյանը:
Միջոցառմանը մասնակցեցին «Էկոնոմիկա, հաշվապահական հաշվառում և աուդիտ», «Կապի սարքավորումների մոնտաժում և շահագործում», «Նախադպրոցական կրթություն» մասնագիտությունների ուսանողները:
Ցերեկույթի ընթացքում ներկայացվեց հայ ժողովրդի պատմությունը, Սողոմոն Թեհլերյանի կյանքն ու գործունեությունը, բեմադրվեցին հատվածներ Բեռլինի դատավարությունից:
Ցերեկույթը հայրենասիրական և հերոսության դաս էր այսօրվա սերնդի համար և կոչ համայն աշխարհին` ճանաչելու և դատապարտելու ցեղասպանություն իրականացրած պետության հանցագործությունը:
