«Բիզնես և Կրթություն Գործընկերություն» (ԲԿԳ) Հիմնադրամը և Լոռու տարածաշրջանային պետական քոլեջը, Հոկտեմբերի 3-4-ին հյուրընկալեցին` Էրազմուս+ «Կարողությունների զարգացումը ՄԿՈՒ ոլորտում» ծրագրի շրջանակներում, «Արևելյան Գործընկերություն ՄԿՈՒ հաստատությունների համար սոցիալական ձեռներեցության (ՍՁ) կառուցվածքների մշակում» ծրագրի միջազգային գործընկերներին, որոնք ժամանել էին` Իտալիայից, Ավստրիայից, Լյուքսեմբուրգից, Մոլդովայից և Հունաստանից։
ԲԿԳ Հիմնադրամի հիմնադիր՝ Մարինե Ժամկոչյանը՝ կարևորեց ՄԿՈւ ոլորտում ինժեներական կրթության ինտեգրումը երիտասարդների ձեռներեցության գործընթացում։ Նա բարձր գնահատեց ՀՀ ԿԳՄՍ նախարարության շարունակական աջակցությունը ԲԿԳ հիմնադրամի նախաձեռնություններին և նախագծերին: Ծրագրով նախատեսվում է նաև ուսումնական այց՝ ուսանողների և ՄԿՈւ հաստատությունների ներկայացուցիչների համար դեպի Հունաստան և Իտալիա՝ փորձի փոխանակման նպատակով։
ՀՀ ԿԳՄՍ նախարարության նախնական և մասնագիտական կրթության և ուսուցման վարության պետ՝ Արմենուհի Պողոսյանը՝ կիսվեց ՄԿՈՒ ոլորտում նոր օրենքի ներդրմամբ՝ շեշտադրելով ծրագրի համար նշանակալից Աշխատանքի վրա հիմնված ուսուցման (ԱՀՈւ) հոդվածը, որը նոր հնարավորություններ է ստեղծում ուսանողներին՝ դուալ ուսումնառություն իրականացնելու միջոցով համապատասխան աշխատանքային կարողունակությունների ձեռքբերմանը:
Էրազմուս+ SE VET ծրագրի գործընկերների հանդիպումը Երևանում նշանակալից առաջընթաց էր Հայաստանում մասնագիտական կրթության առաջխաղացման գործում:
Քննարկումների և համատեղ աշխատանքի ընթացքում գործընկերները կիսվեցին լավագույն փորձով և հետագայում սոցիալական ձեռնարկատիրությունը ՄԿՈՒ ծրագրերում առավել ինտեգրելու հնարավորությամբ:
Միջազգային գործընկերները կարևորեցին հայ գործընկերների նախաձեռնությունները:
Hello.
Good cheer to all on this beautiful day!!!!!
Good luck 🙂