ԲԿԳ հիմնադրամի կողմից իրականացվող Էրազմուս+ ՍՁ ՄԿՈւ ծրագրի փակման միջոցառում Վիեննայում․ կայուն զարգացման ճանապարհին ձեռքբերումների ամփոփում և նոր հեռանկարներ

2025թ.-ի դեկտեմբերի 11-ին Ավստրիայի մայրաքաղաք՝ Վիեննայում տեղի ունեցավ Բիզնես և կրթություն գործընկերություն» հիմնադրամի (ԲԿԳ հիմնադրամ) կողմից իրականացվող Էրազմուս+ «Արևելյան գործընկերության ՄԿՈւ հաստատությունների համար սոցիալական ձեռներեցության կառուցվածքների մշակում»(ՍՁ ՄԿՈւ) ծրագրի փակման միջոցառումը:

Միջոցառման շրջանակում մասնակիցները համատեղ իրականացրեցին ծրագրի ուժեղ և թույլ կողմերի, հնարավորությունների և վտանգների (SWOT վերլուծություն) քննարկում՝ արդյունքում արձանագրվեց, որ ՍՁ ՄԿՈւ ծրագիրը էականորեն նպաստել է կրթության և աշխատաշուկայի միջև կապի ամրապնդմանը՝ խթանելով սոցիալական ձեռներեցության գաղափարների ինտեգրումը ինժեներական ոլորտի կրթական ծրագրերում։

Ծրագրի շրջանակում մշակվել են ՍՁ ձեռնարկ, հոդվածներ և ուսումնական նյութեր, իրականացվել են վերլուծություններ, կազմակերպվել են վերապատրաստման դասընթացներ, ինչպես նաև ՄԿՈւ հաստատությունների ուսանողների և ներկայացուցիչների համար ուսումնական այցեր Իտալիա և Հունաստան։

ՍՁ ՄԿՈւ ծրագրի առանցքային բաղադրիչներից մեկն է հանդիսացել Եվրոպական և Արևելյան հարևանության երկրների գործընկերների համագործակցությունը, որի հիմքում առանձնահատուկ տեղ է զբաղեցրել բիզնեսի և կրթության միջև փոխգործակցության խորացումը:

ՍՁ ՄԿՈւ ծրագիրը կարևորեց, որ կրթությունը՝ կայուն զարգացման հիմնական գործոնն է, որը հստակ ուղվածություն է և կշարունակվի նաև ծրագրի պաշտոնական ավարտից հետո։