«Բիզնես և Կրթություն Ասոցիացիա» Թվային փոփոխություններ և բիզնես մոդելավորում աշխատաժողովներ

Սույն թվականի ապրիլի 8-12-ը «Բիզնես և կրթություն ասոցիացիան» Գերմանիայի Մեկլենբուրգ-Ֆորպոմերանիայի դաշնային տարածաշրջանային էկոնոմիկայի ուսումնական կենտրոնի (BW) հետ համատեղ, «Ասոցիացիայի գործընկերության ծրագրի» շրջանակներում իրականացրեց ինտերակտիվ աշխատաժողովներ՝ գերմանացի միջազգային փորձագետի մասնակցությամբ։ Աշխատաժողովների նպատակն էր՝ զարգացնել կրթական հաստատությունների, ուսուցիչների, ուսանողների, ինչպես նաև փոքր և միջին բիզնեսի ներկայացուցիչների կարողությունները:

Աշխատաժողովների հիմնական թեմաներն էին՝

1. Բիզնես մոդելավորում և վիրտուալ փորձարկում – Փորձագետը ներկայացրեց գործիքակազմ, որը նպաստում է ձեռնարկությունների և ուսումնական հաստատությունների կողմից բիզնես մոդելների մշակմանն ու վիրտուալ թեստավորմանը։

2. Թվային փոփոխությունների կառավարում և դրանց որակի չափանիշներ – Կրթական համակարգի և բիզնեսի ներկայացուցիչները ծանոթացան թվայնացման գործիքներինև դրանց արդյունավետության չափանիշներին:

3. Փոփոխությունների կառավարումը ՄԿՈւ հաստատություններում – Ներկայացվեց փոփոխությունների կառավարման միջազգային փորձը, մոդելները և դրանց ներդրման մեխանիզմները։

4. Gamification-ը կրթության մեջ – Վեբ հարթակի միջոցով իրականացված փորձարկումները ցույց տվեցին, թե ինչպես կարող է խաղայնացումը վերածվել արդյունավետ ուսումնական գործիքի՝ ձեռնարկատիրական հմտությունների զարգացման նպատակով։

Աշխատաժողովներին մասնակցել են՝ կրթական հաստատությունների ղեկավարներ, ուսուցիչներ, ուսանողներ, գործարարներ։