«Աջակցություն դատապարտյալին» հիմնադրամի աջակցությամբ` Կոտայքի տարածաշրջանային պետական քոլեջը «Սևան» քրեակատարողական հիմնարկում անցկացրեց կարճաժամկետ դասընթացներ՝ «Ավտոփականագործ» և «Կենցաղային գազի սարքավորումների վերանորոգում» մասնագիտություններով:
Փետրվարի 20-ին Կոտայքի տարածաշրջանային պետական քոլեջի տնօրեն Գ. Գևորգյանը ավարտական վկայականներ հանձնեց դատապարտյալներին: Արարողությանը ներկա էին ՀՀ արդարադատության նախարարության, «Աջակցություն դատապարտյալին» հիմնադրամի, Կոտայքի տարածաշրջանային քոլեջի, ՔԿՀ-երի, «Սևան» քրեակատարողական հիմնարկի ներկայացուցիչներ:
Կարևորելով դատապարտյալների սոցիալական հետագա ինտեգրումը հասարակության մեջ՝ կողմերը ձեռք բերեցին պայմանավորվածություն շարունակելու համագործակցությունը և ընդլայնելու ուսուցանվող մասնագիտությունների շրջանակը:
